దోహా: ఖతార్‌ పై జరిగిన పలు వైమానిక దాడుల యత్నాలను తమ రక్షణ వ్యవస్థలు విజయవంతంగా అడ్డుకుంటున్నట్లు ఆ దేశ రక్షణ మంత్రిత్వ శాఖ శుక్రవారం తెల్లవారుజామున ప్రకటించింది.

రక్షణ మంత్రిత్వ శాఖ విడుదల చేసిన ప్రకటన ప్రకారం, దేశ గగనతలాన్ని లక్ష్యంగా చేసుకుని వచ్చిన వైమానిక ముప్పులను నిరంతరం గుర్తించి నిర్వీర్యం చేస్తున్నట్లు తెలిపింది. పరిస్థితిని ఎప్పటికప్పుడు పర్యవేక్షిస్తూ భద్రతా చర్యలను మరింత కట్టుదిట్టం చేసినట్లు పేర్కొంది.

మరోవైపు, అడ్డుకున్న దాడుల శకలాలు కింద పడటంతో ఓ బాలుడు గాయపడినట్లు అధికారులు వెల్లడించారు. అతడికి వెంటనే వైద్య చికిత్స అందిస్తున్నట్లు తెలిపారు.

పరిస్థితిపై ప్రజలు అప్రమత్తంగా ఉండాలని, అధికారిక వర్గాలు విడుదల చేసే సమాచారాన్నే విశ్వసించాలని ఖతార్ అధికారులు సూచించారు.