కువైట్ సిటీ: ఫహాహీల్ ప్రాంతంలోని బలాత్ అల్-షుహదా స్ట్రీట్ మరియు షేక్ సలేం సభా అల్-సబాహ్ స్ట్రీట్ (కోస్టల్ రోడ్)  ఇంటర్ సెక్షన్ ను అన్ని దిశల్లో వారం రోజుల పాటు పూర్తిగా మూసివేస్తున్నట్లు కువైట్ జనరల్ ట్రాఫిక్ డిపార్ట్‌మెంట్ ప్రకటించింది.

ట్రాఫిక్ శాఖ తెలిపిన వివరాల ప్రకారం, మూసివేత సమయంలో మెరైన్ క్లబ్ ఇంటర్ సెక్షన్ వైపు నుంచి వచ్చే వాహనాలను బలాత్ అల్-షుహదా స్ట్రీట్ వైపు మళ్లిస్తారు. దీంతో ట్రాఫిక్ రద్దీని తగ్గించి వాహనాల రాకపోకలు సజావుగా సాగేందుకు చర్యలు తీసుకుంటున్నట్లు అధికారులు తెలిపారు.

జనరల్ ట్రాఫిక్ డిపార్ట్‌మెంట్ తన అధికారిక ఎక్స్ (X) అకౌంట్లో ఈ మేరకు ప్రకటించింది. వాహనదారులు ముందుగానే ప్రత్యామ్నాయ మార్గాలను ఎంచుకోవాలని, ట్రాఫిక్ మళ్లింపులను పాటించాలని, ట్రాఫిక్ పోలీసుల సూచనలను తప్పనిసరిగా అనుసరించాలని అధికారులు విజ్ఞప్తి చేశారు.