బ్రహ్మోస్కు భారీ డిమాండ్..
- August 09, 2026
న్యూ ఢిల్లీ: భారత రక్షణ రంగానికి తలమానికమైన బ్రహ్మోస్ సూపర్సోనిక్ క్రూయిజ్ క్షిపణికి అంతర్జాతీయ వేదికపై విపరీతమైన డిమాండ్ ఏర్పడింది. ఇటీవల నిర్వహించిన ‘ఆపరేషన్ సిందూర్’లో ఈ క్షిపణి ప్రదర్శించిన అద్భుతమైన ప్రతిభ, అత్యున్నత కచ్చితత్వం ప్రపంచ దేశాలను విపరీతంగా ఆకట్టుకున్నాయి. ఈ నేపథ్యంలో పలు దేశాలు బ్రహ్మోస్ కొనుగోలుకు ముందుకు వస్తుండగా, భారత్ అనేక భారీ రక్షణ ఒప్పందాలను ఖరారు చేస్తోంది.
భారీగా పెరుగుతున్న అంతర్జాతీయ ఒప్పందాలు
2022 జనవరిలో ఫిలిప్పీన్స్తో 375 మిలియన్ డాలర్ల ఒప్పందంతో తన ఎగుమతి ప్రయాణాన్ని ప్రారంభించిన భారత్, ‘ఆపరేషన్ సిందూర్’ విజయంతో మరింత ఊపందుకుంది. ‘ది వీక్’ పత్రిక నివేదిక ప్రకారం, వియత్నాంతో సుమారు 629 మిలియన్ డాలర్ల ఒప్పదం కుదరగా, ఇండోనేషియా కూడా 200 నుంచి 300 మిలియన్ డాలర్ల మధ్య విలువైన డీల్ను ఫైనల్ చేసుకుంది. వీటితో పాటు యూరప్, పశ్చిమాసియా, లాటిన్ అమెరికా, ఆఫ్రికా ప్రాంతాలకు చెందిన డజనుకు పైగా దేశాలు బ్రహ్మోస్ సమకూర్చుకోవడంపై తీవ్ర ఆసక్తిని కనబరుస్తున్నాయి.
‘ఆపరేషన్ సిందూర్’ సృష్టిస్తున్న సంచలనాలు
జమ్మూకశ్మీర్లోని పహల్గాం ఉగ్రదాడికి దీటైన బదులిచ్చేందుకు పాక్ ఆక్రమిత కశ్మీర్ (పీవోకే) మరియు పాకిస్థాన్లోని ఉగ్ర శిబిరాలపై భారత సైన్యం ‘ఆపరేషన్ సిందూర్’ చేపట్టింది. ఈ ఆపరేషన్లో భాగంగా మన వాయుసేన జెట్లు సరిహద్దు దాటకుండానే సుమారు 15 బ్రహ్మోస్ క్షిపణులను ప్రయోగించి శత్రు స్థావరాలను ధ్వంసం చేశాయి. ముఖ్యంగా, పాక్ రక్షణ వలయంగా ఉన్న చైనా తయారీ ఎయిర్ డిఫెన్స్ వ్యవస్థలను బ్రహ్మోస్ సునాయాసంగా ఛేదించడం ప్రపంచ రక్షణ రంగ నిపుణులను ఆశ్చర్యపరిచింది. ఈ దాడుల తీవ్రతను తట్టుకోలేకనే పాకిస్థాన్ తక్షణ కాల్పుల విరమణకు దిగివచ్చిందని నివేదికలు స్పష్టం చేస్తున్నాయి.
ఉత్పత్తి సామర్థ్యం పెంపు – నూతన తయారీ కేంద్రాలు
పెరుగుతున్న దేశీయ, విదేశీ డిమాండ్ను సమర్థంగా ఎదుర్కొనేందుకు భారత్ తన క్షిపణి ఉత్పత్తి సామర్థ్యాన్ని గణనీయంగా పెంచుకుంది. ప్రస్తుతం హైదరాబాద్, నాగ్పూర్, పిలానీలతో పాటు తాజాగా లక్నోలో ప్రారంభమైన నూతన ప్లాంట్లోనూ క్షిపణుల తయారీ ఊపందుకుంది. ఈ నాలుగు కేంద్రాల ద్వారా ప్రతినెలా కనీసం నాలుగు క్షిపణులను ఉత్పత్తి చేసేలా ఏర్పాట్లు చేశారు. భవిష్యత్తులో మన నావికాదళంలోని అన్ని ప్రధాన యుద్ధనౌకలు, వాయుసేనలోని ఫైటర్ జెట్లను ఈ క్షిపణులతో పటిష్టం చేయడమే లక్ష్యంగా రక్షణ శాఖ ముందుకువెళ్తోంది.
బ్రహ్మోస్ ప్రస్థానం మరియు భవిష్యత్ వ్యూహం
భారత DRDO, రష్యాకు చెందిన ‘ఎన్పీఓ మషినోస్ట్రోయేనియా’ సంయుక్త భాగస్వామ్యంతో 1997లో ఈ ప్రాజెక్ట్కు అంకురార్పణ జరిగింది. డాక్టర్ ఏపీజే అబ్దుల్ కలాం మార్గదర్శకత్వంలో మొదలైన ఈ ప్రయాణం ‘పీజీ-10’ కోడ్నేమ్తో అత్యంత గోప్యంగా రూపుదిద్దుకుంది. ప్రస్తుతం శాస్త్రవేత్తలు నీటి అడుగున ప్రయోగించే వర్షన్తో పాటు, తేలికపాటి మినీ వేరియంట్ల అభివృద్ధిపై దృష్టి పెట్టారు. పూర్తిగా స్వదేశీ పరిజ్ఞానంతో తయారయ్యే నూతన క్షిపణులను తేజస్, ఎల్సీఏ ఎంకే-2 వంటి దేశీయ యుద్ధ విమానాలకు అనుసంధానించడం ద్వారా రక్షణ రంగంలో స్వావలంబన సాధించే దిశగా భారత్ అడుగులు వేస్తోంది.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







