మనామా :  తూర్పు సౌదీ అరేబియా అల్ ఖ్అతీఫ్ లో  ఒక పోలీసు స్టేషన్ పై జరిగిన దాడిలో గుర్తు తెలియని ఆగంతకులు  పొలిసు అధికారిని  కాల్చి హతమార్చారు.  సౌదీ అరేబియా నుండి వెలువడిన నివేదికలలో ఈ  దాడి మంగళవారం తెల్లవాడుజామున 2:30 గంటల సమయంలో జరిగినట్లు పేర్కొంటున్నారు. అబ్దుల్ సల్మాన్ అల్ ఎనేజి  అనే ఒక పోలీసు అధికారి స్టేషన్ వద్ద విధుల్లో ఉండగా ఈ దాడి సంభవించినట్లు  చెప్పారు . ఆ పోలీసు అంతటి విషమ పరిస్థితి లోను ప్రతిఘటించి వారిపై  తిరిగి  కాల్చాడు, కానీ దాడి తర్వాత దుండగులు  సన్నివేశం నుంచి  పారిపోయారు ఈ కేసు విషయమై ఇంకా పరిశోధన జరుపుతున్నట్లు వివరాలతో అంతర్గత వ్యవహారాల శాఖ తరువాత ఒక ప్రకటన జారీ చేస్తుంది.