కువైట్: వాణిజ్య నిబంధనలను ఉల్లంఘించినందుకు సల్మియాలోని రెండు ఆరోగ్య సంస్థలను మూసివేసినట్టు కువైట్ వాణిజ్య, పరిశ్రమల మంత్రిత్వ శాఖ తెలిపింది. అహ్మదీ, ముబారక్ అల్-కబీర్ గవర్నరేట్లకు చెందిన మంత్రిత్వ శాఖ అత్యవసర తనిఖీ బృందం.. ముబారక్ అల్-కబీర్ గవర్నరేట్ క్రిమినల్ ఇన్వెస్టిగేషన్ విభాగంతో కలిసి తనిఖీలు నిర్వహించిందని వెల్లడించింది.

ఈ తనిఖీల్లో కొన్ని వాణిజ్య కార్యకలాపాల్లో నగదు లావాదేవీలను నిషేధిస్తూ జారీ చేసిన 2026 నాటి మంత్రి నిర్ణయం నంబర్ 32ను ఉల్లంఘించినట్లు గుర్తించారు. దీంతోపాటు సంస్థల నిర్వహణకు సంబంధించిన మరికొన్ని నిబంధనల ఉల్లంఘనలు కూడా బయటపడ్డాయని తెలిపింది. నిబంధనల ఉల్లంఘనలు నిర్ధారణ కావడంతో రెండు సంస్థలను వెంటనే మూసివేసి, సంబంధిత చట్టపరమైన చర్యలను ప్రారంభించినట్లు మంత్రిత్వ శాఖ వెల్లడించింది.