కువైట్ : కువైట్ రాజధాని గవర్నరేట్ పరిధిలోని షువైఖ్ ఇండస్ట్రియల్ ఏరియాలో జనరల్ ఫైర్ ఫోర్స్ అధికారులు తనిఖీ కార్యక్రమం నిర్వహించారు. అగ్ని ప్రమాదాల నివారణ, భద్రతా నిబంధనలను పాటించని భవనాలు, సంస్థలను లక్ష్యంగా చేసుకుని ఈ తనిఖీలు చేపట్టారు. ఈ తనిఖీల్లో ఫైర్ సేఫ్టీ నిబంధనలు ఉల్లంఘించిన పలు సంస్థలను అధికారులు పరిపాలనా పరంగా మూసివేశారు. అలాగే మొత్తం 77 సంస్థలకు నోటీసులు, హెచ్చరికలు జారీ చేశారు.

జనరల్ ఫైర్ ఫోర్స్ నిర్దేశించిన అగ్ని ప్రమాదాల నివారణ, భద్రతా ప్రమాణాలను తప్పనిసరిగా పాటించాలని అధికారులు సూచించారు. ప్రజల ప్రాణాలు, ఆస్తులను రక్షించడంతో పాటు అగ్ని ప్రమాదాలను నివారించేందుకు ఈ తనిఖీలు నిర్వహించినట్లు అధికారులు తెలిపారు. నిబంధనలు పాటించని సంస్థలపై అవసరమైన చర్యలు కొనసాగుతాయని పేర్కొన్నారు.