కువైట్: ప్రజలతో నేరుగా కమ్యూనికేషన్‌ను మరింత సులభతరం చేసేందుకు కువైట్ జనరల్ ఫైర్ ఫోర్స్ ప్రత్యేక వాట్సాప్ సేవను ప్రారంభించింది. ఈ సేవ ద్వారా పౌరులు, నివాసితులు తమ సందేహాలు, ఫిర్యాదులు, పరిశీలనలు, సూచనలను ఫైర్ ఫోర్స్‌కు నేరుగా తెలియజేయవచ్చు.

ప్రజలు 65914431 నంబర్‌కు వాట్సాప్ ద్వారా తమ ప్రశ్నలు, అభిప్రాయాలు, సూచనలను పంపవచ్చు. అందిన సమాచారాన్ని సంబంధిత అధికారులకు పంపించి, అవసరమైన చర్యలు తీసుకునేలా చూస్తామని ఫైర్ ఫోర్స్ తెలిపింది. ప్రజలు ఈ సేవను సద్వినియోగం చేసుకోవాలని, ఫైర్ ఫోర్స్ అధికారిక కమ్యూనికేషన్ మార్గాల ద్వారా తమ సూచనలు, అభిప్రాయాలను తెలియజేయాలని అధికారులు కోరారు.