దోహా: ఖతార్‌ అంతర్గత వ్యవహారాల మంత్రి, అంతర్గత భద్రతా దళాల (లెఖ్వియా) కమాండర్‌ హెచ్‌ఈ షేక్‌ ఖలీఫా బిన్‌ హమద్‌ బిన్‌ ఖలీఫా అల్‌ థానీ.. ఇరాన్‌ అంతర్గత వ్యవహారాల మంత్రి హెచ్‌ఈ ఎస్కందర్‌ మొమెనీతో సమావేశమయ్యారు.  ఈ సందర్భంగా ఇరు దేశాలకు పరస్పర ఆసక్తి ఉన్న పలు అంశాలపై చర్చించారు. ముఖ్యంగా భద్రతా రంగంలో సహకారం, ప్రస్తుత ప్రాంతీయ సవాళ్ల నేపథ్యంలో స్థిరత్వాన్ని ప్రోత్సహించడం, అంతర్జాతీయ శాంతి, భద్రత పరిరక్షణకు ఉమ్మడి ప్రయత్నాలపై ఇరువురు మంత్రులు చర్చించినట్టు అధికార యంత్రాంగం వెల్లడించింది.