నల్లసముద్రంలో ట్యాంకర్ పై ఉక్రెయిన్ డ్రోన్ దాడి.. 23 మంది భారతీయులు సేఫ్
- October 07, 2026
ఉక్రెయిన్, రష్యా మధ్య నెలకొన్న ఉద్రిక్తతలు మరోసారి నల్లసముద్రంలో హింసాత్మక రూపం దాల్చాయి. రష్యాలోని ప్రముఖ పర్యాటక నగరమైన సోచి సమీపంలో లైబీరియా జెండాతో వెళ్తున్న భారీ ఆయిల్ ట్యాంకర్పై ఉక్రెయిన్ డ్రోన్లతో విరుచుకుపడింది. ఈ దాడి కారణంగా ట్యాంకర్లో భారీ ఎత్తున మంటలు చెలరేగాయి. అయితే, ఈ నౌకలో ఉన్న మొత్తం 23 మంది సిబ్బంది కూడా భారతీయులే కావడం గమనార్హం. వీరి అందరినీ రష్యా రవాణా మంత్రిత్వ శాఖ అధికారులు సురక్షితంగా రక్షించడంతో భారత్కు పెద్ద ఊరట లభించింది.
అదుపులోకి రాని మంటలు.. సముద్రంలోకి లీకవుతున్న ముడిచమురు
‘నేవల్ డ్రోన్ల’ ద్వారా ఈ దాడి జరిగిందని రష్యా వర్గాలు వెల్లడించాయి. మంటల తీవ్రత అత్యంత ఎక్కువగా ఉండటంతో అగ్నిమాపక సిబ్బంది సైతం ప్రారంభంలో వాటిని నియంత్రించలేకపోయారు. ట్యాంకర్ నుంచి ముడిచమురు సముద్ర జలాల్లోకి లీకై దట్టమైన మంటలు ఎగిసిపడుతున్నాయి. మంటల తీవ్రత కొద్దిగా తగ్గిన తర్వాత అదార్పు చర్యలు చేపడతామని రష్యా అధికారులు స్పష్టం చేశారు. ఈ ఘటనకు సంబంధించిన వీడియోలు సోషల్ మీడియాలో వైరల్ కాగా, సోచి తీరంలో భారీగా నల్లటి పొగలు కమ్ముకున్నాయి. ముందుజాగ్రత్తగా మేయర్ తీర ప్రాంతాలపై ఆంక్షలు విధించారు.
వాణిజ్య నౌకల పై పెరుగుతున్న దాడులు.. పర్యావరణ ముప్పు ఆందోళనలు
రష్యా-ఉక్రెయిన్ యుద్ధం ప్రారంభమైన నాటి నుంచి ఇరు దేశాలు నల్లసముద్రంలో వాణిజ్య నౌకలను టార్గెట్ చేయడం పరిపాటిగా మారింది. రొమేనియా తీరంలో నౌక మునిగిపోయి ఒకరు మృతి చెందిన ఘటన జరిగిన మరుసటి రోజే ఈ దాడి జరగడం ఉద్రిక్తతలను మరింత పెంచింది. తమ నగరాలపై రష్యా దాడులకు ప్రతిచర్యగానే చమురు మౌలిక సదుపాయాలను లక్ష్యంగా చేసుకుంటున్నామని ఉక్రెయిన్ వాదిస్తోంది. గతంలోనూ ఇలాంటి దాడుల వల్ల చమురు లీకై పర్యావరణానికి తీవ్ర నష్టం వాటిల్లిన నేపథ్యంలో, తాజా ఘటనతో మళ్లీ అలాంటి పర్యావరణ ముప్పు పొంచి ఉందనే ఆందోళనలు వ్యక్తమవుతున్నాయి.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







