కువైట్ : నివాస నిబంధనలు ఉల్లంఘించిన నాలుగు భవనాలకు కువైట్ మున్సిపాలిటీ విద్యుత్ సరఫరాను నిలిపివేసింది. రాజధాని గవర్నరేట్ పరిధిలోని ఇంజినీరింగ్ ఆడిట్ అండ్ ఫాలో-అప్ విభాగం సంబంధిత అధికారులతో కలిసి చేపట్టిన తనిఖీల్లో ఈ చర్యలు తీసుకున్నారు.

దోహా, సులైబిఖాత్ ప్రాంతాల్లో బ్యాచిలర్ల నివాసాలకు సంబంధించిన నిబంధనల ఉల్లంఘనలపై అధికారులు ప్రత్యేక తనిఖీలు నిర్వహించారు. ఈ తనిఖీల్లో నాలుగు భవనాలకు విద్యుత్ సరఫరా నిలిపివేయగా.. మరో రెండు ఉల్లంఘనలను సరిచేశారు. అలాగే తొమ్మిది హెచ్చరికలు జారీ చేశారు.

నిబంధనలు ఉల్లంఘించినట్లు గతంలో గుర్తించిన భవనాలను మున్సిపాలిటీ ప్రత్యేక తనిఖీ బృందం పరిశీలించింది. నిబంధనలను తప్పనిసరిగా పాటించేలా సంబంధిత భవనాలపై చట్టపరమైన చర్యలు తీసుకున్నట్లు అధికారులు తెలిపారు.బ్యాచిలర్ల వసతి, నివాస భవనాలకు సంబంధించిన మున్సిపల్ నిబంధనల అమలును పర్యవేక్షించేందుకు తనిఖీలు కొనసాగుతాయని అధికారులు వెల్లడించారు.