వీసా నిబంధనలు ఉల్లంఘించి దేశంలో అక్రమంగా ఉంటున్న విదేశీయులు జరిమానా, జైలు శిక్ష లేకుండా స్వదేశాలకు స్వచ్ఛందంగా వెళ్లేందుకు ఖతర్‌ ప్రభు త్వం క్షమాభిక్ష పథకం ప్రకటించింది. సెప్టెంబర్‌ 1నుంచి మూడు నెలల పాటు డిసెంబర్‌ 1వరకు ఈ పథకం అమలులో ఉంటుందని ఖతర్‌ హోం మంత్రిత్వ శాఖ వెల్లడించింది. స్వదేశాలకు తిరిగి వెళ్లాలనుకునే వారు అల్‌ రయ్యాన్‌లోని పాస్‌పోర్ట్‌ సెర్చ్‌ లేదా ఫాలోఆప్‌ కార్యాలయంలో సంప్రదించాలని ఆ శాఖ సూచించింది. అరబ్బుల ఇళ్ళలో పని చేయడానికి వచ్చిన మహిళలతో పాటు, స్టేడియంల నిర్మాణంలో పనులు కోసం వచ్చిన వేలాది తెలుగు కార్మికులు తమ స్పాన్సర్ల నుండి పారిపోయి వేర్వేరు చోట్ల పని చేస్తున్నారు.

వారంతా ఇప్పుడు స్వదేశానికి తిరిగి రావడానికి ప్రయత్నిస్తున్నారు.