ఒక సినిమా డైరెక్టర్ ఇంటిపై బాంబులు వేసి పేల్చేస్తామని బెదిరింపుడు వస్తున్నాయి.ఆ డైరెక్టర్ తో డైరెక్ట్ గానే అటువంటి హెచ్చరికలు చేస్తున్నారు. ఒక సినిమా డైరెక్ట్ ఇంటిపై బాంబు దాడి చేయాల్సినంత అవసరం ఏముంటుంది. ఆ బెదిరింపులతో హడలెత్తిన ఆ డైరెక్టర్ పోలీసులను కూడా ఆశ్రయించాడు. 

సినిమా వాళ్ళకు రౌడీ షీటర్లతో,ఉగ్రవాదులతో బెడదలు తప్పడంలేదు.కొంత డబ్బు,పవర్ సంపాదించగానే సెలెబ్రెటీలను టార్గెట్ చేసి పాపులారిటీని సంపాదిస్తారు.అయితే ప్రస్తుతం డైరెక్టర్ పై బాంబు దాడులు చేస్తామంటుంది రౌడీ షీటర్లో,ఉగ్రవాదులో కాదు సింగం డైరెక్టర్ హరి ఇంటిపక్కనే ఉండే నైబర్స్.

తాజా సమాచారం ప్రకారం పార్కింగ్ విషయంలో డైరెక్టర్ తో ప్రక్కింటి వారికి గొడవ కావడంతో ప్రక్కింట్లో ఉండే కార్తిక్ , కుప్పు స్వామి అనే వాళ్లు ఆయన్ని బాంబులు వేసి మీ ఇంటిని పేల్చేస్తామని వార్నింగ్ ఇచ్చారట.

దాంతో హరి చెన్నైలోని విరుగంబాక్కం పోలీస్ స్టేషన్ కు వెళ్లి అఫీషియల్ గా వారిపై కంప్లైంట్ ఇవ్వటం జరిగింది. పోలీస్ లు సెక్షన్ 75 క్రింద, న్యూసెన్స్ కేసు పెట్టి విచారణ జరుపుతున్నారు.