బురైదా: సౌదీ అరేబియాలోని ఖాసిమ్ ప్రాంతంలో మసాజ్ సెంటర్‌లో ప్రజా నైతికతకు విరుద్ధంగా కార్యకలాపాలకు పాల్పడిన ఓ ప్రవాసిని పోలీసులు అరెస్ట్ చేశారు. ప్రజా భద్రత విభాగం వెల్లడించిన వివరాల ప్రకారం.. ఖాసిమ్ పోలీసులు, కమ్యూనిటీ సెక్యూరిటీ మరియు మానవ అక్రమ రవాణా నిరోధక విభాగం అధికారులతో కలిసి ఈ చర్యలు చేపట్టారు.

అరెస్టు చేసిన ప్రవాసిపై అవసరమైన చట్టపరమైన చర్యలు తీసుకున్న అనంతరం తదుపరి విచారణ నిమిత్తం పబ్లిక్ ప్రాసిక్యూషన్‌కు అప్పగించినట్లు అధికారులు తెలిపారు.  అలాగే, నిబంధనల ఉల్లంఘనకు సంబంధించి ప్రాంతీయ మున్సిపాలిటీ అమల్లో ఉన్న జరిమానాల నిబంధనల ప్రకారం సదరు మసాజ్ సెంటర్‌పై ఆర్థిక జరిమానా విధించినట్లు వెల్లడించారు.