రియాద్:  సౌదీ అరేబియాలో నిర్మాణ వ్యయాలు భారీగా పెరిగాయి. సెప్టెంబర్ నెలలో, అంతకుముందు ఏడాదితో పోలిస్తే 2.2 శాతం పెరిగాయి. నివాస మరియు నివాసేతర నిర్మాణ రంగాల్లో వ్యయాలు పెరగడమే దీనికి ప్రధాన కారణమని జనరల్ అథారిటీ ఫర్ స్టాటిస్టిక్స్ (GASTAT) పేర్కొంది.

GASTAT విడుదల చేసిన 'కన్‌స్ట్రక్షన్ కాస్ట్ ఇండెక్స్' (CCI) నివేదిక ప్రకారం, సెప్టెంబర్ 2025తో పోలిస్తే సెప్టెంబర్ 2026లో నివాసేతర నిర్మాణ వ్యయాలు 2.6 శాతం, నివాస నిర్మాణ వ్యయాలు 2.1 శాతం పెరిగాయి. నివాస నిర్మాణ రంగంలో, ప్రాథమిక నిర్మాణ సామగ్రి ధరలు 1.7 శాతం పెరగడం వల్ల మొత్తం వ్యయం పెరిగింది; ఇందులో కలప మరియు జాయినరీ ధరలు 3.5 శాతం పెరిగింది. ఇక పరికరాలు మరియు యంత్రాల అద్దె వ్యయాలు 4.1 శాతం పెరిగాయి.  కార్మిక వ్యయాలు 1.5 శాతం, ఇంధన (శక్తి) వ్యయాలు 3 శాతం పెరిగాయి.

అదే సమయంలో నివాసేతర నిర్మాణ రంగంలో, ప్రధాన వ్యయ అంశాలలో పరికరాలు మరియు యంత్రాల అద్దె అత్యధికంగా 5.8 శాతం పెరిగింది. ఇందులో ఆపరేటర్‌తో కూడిన పరికరాలు మరియు యంత్రాల అద్దె ధరలు 7.2 శాతం పెరిగినట్లు నివేదిక తెలిపింది.  కార్మిక వ్యయాలు 2 శాతం, ఇంధన వ్యయాలు 3 శాతం పెరిగాయి. నివాసేతర నిర్మాణ రంగంలో ప్రాథమిక నిర్మాణ సామగ్రి వ్యయాలు 1.8 శాతం పెరిగాయి. ఇందులో ఇతర నిర్మాణ సామగ్రి ధరలు 4.3 శాతం, కలప మరియు జాయినరీ ధరలు 2.1 శాతం పెరగడం ప్రభావం చూపినట్లు పేర్కొన్నారు. పాయి.

GASTAT ప్రకారం..  కాంట్రాక్టర్ల కార్యాలయాలు, ఇంజనీరింగ్ కార్యాలయాలు మరియు నిర్మాణ సామగ్రి విక్రయ సంస్థలకు క్షేత్రస్థాయి పర్యటనల ద్వారా 13 ప్రాంతాల నుండి నెలవారీగా డేటాను సేకరించి, ఈ సూచిక 51 నిర్మాణ రంగ ముడిసరుకుల ధరల మార్పులను పర్యవేక్షిస్తుంది.