దోహా: ఖతార్ ప్రధానమంత్రి, విదేశాంగ మంత్రి షేక్ మొహమ్మద్ బిన్ అబ్దుల్‌రహ్మాన్ బిన్ జాసిమ్ అల్ థానీ, అమెరికా విదేశాంగ మంత్రి మార్కో రూబియో ఫోన్‌లో మాట్లాడుకున్నారు. ఈ సందర్భంగా ఖతార్‌–అమెరికా మధ్య సహకారం, వ్యూహాత్మక భాగస్వామ్యాన్ని మరింత బలోపేతం చేసే మార్గాలపై చర్చించారు.

అలాగే, ప్రాంతీయంగా చోటుచేసుకుంటున్న తాజా పరిణామాలు, ఉద్రిక్తతలను తగ్గించేందుకు చేపడుతున్న దౌత్య ప్రయత్నాలు, పరస్పర సమన్వయం, ప్రాంతీయ భద్రత, స్థిరత్వాన్ని పెంపొందించే అంశాలపై ఇరువురు నేతలు చర్చించినట్లు వెల్లడించారు. ఈ సందర్భంగా ఖతార్ ప్రధాని షేక్ మొహమ్మద్ బిన్ అబ్దుల్‌రహ్మాన్ అల్ థానీ మాట్లాడుతూ.. సముద్ర మార్గాల్లో నౌకాయాన స్వేచ్ఛను కాపాడే పరిష్కారం సాధించేందుకు జరుగుతున్న అన్ని దౌత్య ప్రయత్నాలకు ఖతార్ మద్దతు ఇస్తుందని స్పష్టం చేశారు. అదే సమయంలో, ఈ ప్రాంతంలో శాశ్వత శాంతిని నెలకొల్పే సమగ్ర ఒప్పందానికి మార్గం సుగమం కావాలని ఆకాంక్షించారు.