నిఖిత ప్రధాన పాత్రలో రూపొందుతోన్న సినిమా 'అపార్టుమెంట్‌'. శ్రీ క్రియేటివ్‌ ఫిలిమ్స్‌ బ్యానర్‌పై రిలయన్స్‌ ఎంటర్‌టైన్‌మెంట్స్‌ సమర్పణలో తెరకెక్కుతోంది. శివగంగరాజు వుడిమూడి దర్శకత్వం వహిస్తున్నారు. ఎ.కె. శ్రీకాంత్‌ అంగళ్ళ నిర్మిస్తున్నారు. ఖుద్దూస్‌ ఎస్‌.ఎ. సంగీత సారథ్యంలో రూపొందిన ఆడియోను ఆర్పీ పట్నాయక్‌ విడుదల చేశారు. 

ఈ సందర్భంగా ఆర్పీ పట్నాయక్‌ మాట్లాడుతూ ''పాటలు విన్నాను. చాలా అద్భుతంగా ఉన్నాయి. ఈ సినిమా మంచి విజయం సాధించి, యూనిట్‌కి పేరు రావాలని కోరుకుంటున్నాను. మ్యూజిక్‌ డైరెక్టర్‌ ఖుద్ధూస్‌ గురించి నాకు బాగా తెలుసు. బాగా కష్టపడతాడు. ఈ సినిమా ద్వారా మంచి బ్రేక్‌ వస్తుందని ఆశిస్తున్నాను' అని అన్నారు.

ఒక అపార్ట్‌మెంట్‌ కల్చర్‌లోకి ఎంటరైన ఒక అమ్మాయికి అక్కడ ఎలాంటి అనుభవాలు ఎదురయ్యాయి అన్నదే ఈ సినిమా కథ అని దర్శకుడు శివగంగరాజు తెలిపారు. ఈ చిత్రానికి కెమెరా : సాబూ జేమ్స్‌, ఎడిటర్‌ : నాగిరెడ్డి.