నేషనల్‌ హెల్త్‌ రెగ్యులేటరీ అథారిటీ (ఎన్‌హెచ్‌ఆర్‌ఎ) ఓ ప్రకటనలో, పానడోల్‌ నైట్‌ మెడిసిన్‌లో ఎలాంటి నార్కోటిక్‌ ప్రోడక్ట్స్‌ కాంపోజిషన్‌ లేదని తేల్చింది. నొప్పి నివారణ మందుగా పానడోల్‌ నైట్స్‌ని వాడతారు. ఇందులో పారాసెట్‌మాల్‌ ఉంటుంది. ఇది శరీర ఉష్ణోగ్రతను తగ్గించడానికి, అలాగే నొప్పుల్ని తగ్గించడానికి ఉపయోగపడుతుంది. ఇందులో ఎలాంటి నార్కోటిక్‌ కంటెంట్‌ లేదని స్పష్టం చేస్తూ, బహ్రెయిన్‌లో ఈ మందుని కొనుగోలు చేయడానికి వినియోగదారులకు ఎలాంటి ప్రిస్క్రిప్షన్‌ అత్యవసరం కాదని వివరించింది. కింగ్‌డమ్‌లో పెయిన్‌ కిల్లర్స్‌ కేటగిరీలో పానాడోల్‌ నైట్స్‌ని ఎక్కువగా ఉపయోగిస్తారు. మందుల వినయోగం, ఇతరత్రా అంశాలకు సంబంధించి ఎలాంటి స్పామ్‌ ఇ-మెయిల్స్‌ని వివ్వసించవద్దని ఎన్‌హెచ్‌ఆర్‌ఎ విజ్ఞప్తి చేస్తోంది.