కింగ్‌ ఫహాద్‌ కాజ్‌వే పోలీసులు 70 ఏళ్ళ మహిళను అదుపులోకి తీసుకున్నారు. ఆమె బహ్రెయిన్‌కి వెళుతుండగా పోలీసులు ఆమెను అడ్డగించడం జరిగింది. ఆ సమయంలో ఆమెతోపాటు ఆమె కుమారుడు కూడా ఉన్నాడు. హైల్‌ సిటీలో ఆమె ఫైనాన్షియల్‌ కేసులకు సంబంధించి వాంటెడ్‌గా ఉన్నారు. అయితే, ఈ సందర్బంగా ఆమె తనయుడు, తమపై ఎలాంటి కేసులు లేవని పోలీసులకు తెలిపాడు. కానీ పోలీసులు దమ్మమ్‌ పోలీసులకు వారిని రిఫర్‌ చేశారు. అక్కడి నుంచి వారిని హైల్‌కి తరలించారు. ఈ సందర్భంగా ఆ వృద్ధురాలు తీవ్ర మనోవేదనతో కుప్పకూలిపోయారు. పోలీసులు తన సోదరుడు ప్రిజనర్‌ని స్మగ్లింగ్‌ చేసినట్లు ఆరోపించారనీ, ఇది తమకు చాలా ఇబ్బంది కలిగించిందని ఆవేదన చెందాడు ఆమె తనయుడు. ఇంకో వైపున, హైల్‌ ఎగ్జిక్యూషన్‌ కోర్ట్‌లో ఓ ఉద్యోగి చేసిన పొరపాటు వల్లనే ఇదంతా జరిగిందని అధికారులు గుర్తించారు. ఆ వృద్ధురాల్ని అనంతరం విడుదల చేశారు. అయితే తమకు కలిగిన మనోవేదన నేపథ్యంలో కోర్టును ఆశ్రయిస్తామని బాధిత కుటుంబం చెబుతోంది.