ఏపీ సీఎం చంద్రబాబు బిజీ షెడ్యూల్‌ నుంచి స్మాల్ బ్రేక్ తీసుకోనున్నారు. తన కుటుంబంతో కలిసి ఆయన రెండు రోజులు గోవాకు విశ్రాంతి నిమిత్తం వెళ్తున్నట్లు సమాచారం. సెప్టెంబర్‌ మూడు, నాలుగు తేదీల్లో ఆయన గోవా లో గడుపుతారు. ఐదో తేదీ వినాయక చవితి కి తిరిగి వచ్చేస్తారు. కృష్ణా పుష్కరాల ముందు నుంచీ విపరీతమైన పని ఒత్తిడిలో మునిగి తేలడంతో కొంత విశ్రాంతి నిమిత్తం ఆయన గోవా వెళ్తున్నట్లు కుటుంబ వర్గాలు తెలిపాయి. గత రెండు రోజులుగా అనంతపురంలో ఉంటున్న ఆయన మరో రెండు రోజులపాటు రాయలసీమలోనే ఉండాలని నిర్ణయించుకొన్నారు.