బాల్యంలో ప్రతి వ్యక్తి   
తల్లితండ్రులను తన 
రెక్కలు అనుకుంటాడు 
యవ్వనంలోకి రాగానే 
తనకు స్వంతంగా  
రెక్కలు వచ్చాయని అనుకుంటాడు 
భార్య పిల్లలు ఉద్యోగం సద్యోగం  
ఏర్పడ్డాక  
చిన్ననాటి రెక్కల్ని విరిచేసి 
పిల్లలకు రెక్కలు 
ఇచ్చాననుకుంటాడు 
కానీ ఆ పిల్లలు 
పెద్దలై తమ రెక్కలు 
బలమైనవని గట్టిగా నమ్మి 
ఇతగాడి రెక్కలను 
విసిరి అవతల వేస్తారు 
రెక్కలు ఎలా విలువలనీ 
కోల్పొయాయో  
మనిషి తెలుసుకుంటే 
తన తప్పును 
దిద్దుకుంటాడు 

                          ---- డా|| మాదిరాజు రామలింగేశ్వర రావు