మలయాళ సూపర్‌స్టార్‌ మోహన్‌లాల్‌, తమిళ స్టార్‌ సత్యరాజ్‌, అమలాపాల్‌ మలయాళంలో నటించిన చిత్రానికి అనువాదంగా వస్తున్న చిత్రం 'ఇద్దరూ ఇద్దరే'. జోషి దర్శకత్వం వహించిన ఈ చిత్రాన్ని కె.ఆర్‌. ఫిలింస్‌ ఇంటర్నేషనల్‌ పతాకంపై కందల కృష్ణారెడ్డి తెలుగులో నిర్మిస్తున్నారు. ప్రస్తుతం అనువాద కార్యక్రమాలు జరుపుకొంటున్న ఈ చిత్రం ట్రైలర్‌ను హైదరాబాద్‌లోని ప్రసాద్‌ ల్యాబ్‌లో విడుదల చేశారు. గోపీసుందర్‌ ఈ చిత్రానికి స్వరాలు సమకూర్చారు. ఈ కార్యక్రమంలో చిత్ర నిర్మాతలతోపాటు ప్రసన్న కుమార్‌, బెక్కెం వేణుగోపాల్‌, లోహిత్‌, శోభారాణి, సాయివెంకట్‌ తదితరులు పాల్గొన్నారు.