ప్రముఖ సెర్చ్‌ ఇంజన దిగ్గజం గూగుల్‌.. తన 18వ పుట్టినరోజున దేశంలోని నెటిజన్లకు బహుమతి అందించింది. ముఖ్యంగా ఇంటర్నెట్‌ వేగం తక్కువగా ఉండే ప్రాంతాల్లోని వినియోగదారులకు ఉపయోగపడేలా కొన్ని సౌకర్యాలు అందుబాటులోకి తెచ్చింది. ఇందులో అన్ని రైల్వే స్టేషన్లలో వైఫై సౌకర్యం అందించేందుకు 'గూగుల్‌ స్టేషన'ను తీసుకొస్తున్నట్లు ప్రకటించింది. రైల్‌టెల్‌, భారత రైల్వే భాగస్వామ్యంతో దీనిని అందుబాటులోకి తీసుకొస్తోంది.అలాగే వివిధ రంగాలకు చెందిన వీడియోలన్నీ ఒకే చోట లభించే యూట్యూబ్‌కు అదనపు హంగులు అద్దింది. ఇక నుంచి యూట్యూబ్‌లో వీడియోలను ఆఫ్‌లైనలో ఇతరులకు పంపించుకోవచ్చు! ఇందుకోసం యూట్యూబ్‌ సరికొత్త వెర్షన.. 'యూట్యూబ్‌ గో' యాప్‌ను గూగుల్‌ విడుదల చేసింది.2జీ డేటా ఉపయోగించే వారు కూడా యూట్యూబ్‌ వీడియోలను ఆఫ్‌లైన విధానంలో అతి తక్కువ డేటా వినియోగంతో డౌనలోడ్‌ చేసుకునేందుకు యాప్‌ను ప్రవేశపెట్టింది. వీడియోలను ఆఫ్‌లైన విధానంలోనూ చేసేందుకు యూట్యూబ్‌ గతంలో మార్పులు చేసింది.