పసుపులోని అనేక రకాల యాంటి ఆక్సిడెంట్లు మన శరీరానికి ఎంతో మేలు చేస్తాయి. ఏ రకంగా వాడినా పసుపులోని యాంటీ బాడీస్‌ మన బాడీకి మంచిగానే ఉపయోగపడతాయి. అంతే కాదు ఇప్పుడు పసుపులోని యాంటీ ఆక్సిడెంట్లనుపయోగించి కాన్సర్‌ నియంత్రణా కారకాలను తయారు చేస్తున్నారు. ముఖ్యంగా గర్భాశయ ముఖద్వారానికి, గొంతు కాన్సర్‌కు మందును తయారు చేస్తున్నారు. కొన్ని రకాల వైరస్‌ల కారణంగా వచ్చే ఈ రకమైన కాన్సర్‌ కారకాలను ప్రోత్సహించే హ్యూమన్‌ పాపిలోమా వైరస్‌ను పసుపులోని కర్‌క్యుమిన్‌ అనే యాంటీ ఆక్సిడెంటు అణచివేసే అవకాశాలున్నట్లు ప్రయోగాత్మకంగా కనుగొన్నారు. నోటి కాన్సర్‌లోని హెచ్‌పీవీ అనే వైరస్‌ వ్యాప్తినీ, దానివల్ల వచ్చే ఇన్ఫెక్షన్లనూ నియంత్రించడానికి పసుపు తోడ్పడుతుందనీ తాజా అధ్యయనాల్లో వెల్లడైంది.