నవీన్‌, శ్రావ్య, నిత్య ప్రధాన పాత్రల్లో నటించిన సినిమా 'నందిని నర్సింగ్‌ హోం'. ఎస్‌వీసి ఎంటర్‌టైన్‌మెంట్స్‌ పతాకంపై దర్శకుడు పీవీ గిరి ఈ చిత్రాన్ని రూపొందిస్తున్నారు. అచ్చు సంగీతాన్నందించిన 'నందిని నర్సింగ్‌ హోం' ఆడియో సక్సెస్‌ మీట్‌ హైదరాబాద్‌ ప్రసాద్‌ ల్యాబ్స్‌లో జరిగింది. ఈ కార్యక్రమంలో చిత్ర యూనిట్‌ సభ్యులు పాల్గొన్నారు.నటుడు నరేష్‌ మాట్లాడుతూ.'ఎడిటర్‌ గా నవీన్‌ పేరుతెచ్చుకున్నాడు. ఈ సినిమాతో హీరోగానూ స్థిరపడాలని కోరుకుంటున్నాను. వినగానే నచ్చిన కథ ఇది. ఖచ్చితంగా ప్రేక్షకులను ఆకట్టుకుంటుంది. నిర్మాతలు రాజీ పడకుండా సినిమాను నిర్మించారు. అచ్చు సంగీతం 'నందిని నర్సింగ్‌ హోం'కు ఆకర్షణ అవుతుంది.' అన్నారు. హీరో నవీన్‌ మాట్లాడు తూ..'సంగీత దర్శకుడు అచ్చు నాకు ఏడేళ్లుగా తెలుసు. మంచి ప్రతిభ గల సంగీత దర్శకుడు. మా సినిమా మంచి ట్యూన్స్‌ ఇచ్చాడు. ఆడియో సక్సెస్‌ అవడం మాకు సినిమాపై నమ్మకాన్ని పెంచింది. ఈ నెల 21న చిత్రాన్ని ప్రేక్షకుల ముందుకు తీసుకొస్తున్నాం.' అన్నారు. షకలక శంకర్‌, సప్తగిరి, వెన్నెల కిషోర్‌, జయప్రకాష్‌ రెడ్డి ఇతర నటించిన ఈ చిత్రానికి పాటలు : రెహమాన్‌, ఎడిటర్‌: కార్తీక శ్రీనివాస్‌, సినిమాటోగ్రఫీ : దాశరథి శివేంద్ర