రియాద్‌: కింగ్‌ సౌద్‌ యూనివర్సిటీకి చెందిన కంప్యూటర్‌ ప్రోగ్రామింగ్‌ స్టూడెంట్‌ దలాల్‌ బింట్‌ తలెబ్‌, కొత్తగా ఆలోచించి, కొత్త బిజినెస్‌ ఐడియాని ఆచరణలో పెట్టారు. 'ఫ్యాషన్‌ ట్రక్‌' పేరుతో మొబైల్‌ ట్రక్‌ని ఏర్పాటు చేశారు. ఇందులో మొబైల్‌ ఫ్యాషన్‌ నీడ్స్‌ని అందుబాటులో ఉంచారు. యాక్సెసరీస్‌, షూస్‌, హ్యాండ్‌బ్యాగ్స్‌, పెర్ఫ్యూమ్స్‌ వంటివాటిని ఇందులో పొందుపర్చారు. ఈ కాన్సెప్ట్‌కి మంచి స్పందన లభిస్తోంది. హై క్వాలిటీ బ్రాండ్స్‌ని సరసమైన ధరల్లోనే వినియోగదారులకు అందుబాటులో ఉంచుతున్నట్లు ఆమె వెల్లడించారు. మొబైల్‌ పుడ్‌ క్యారేజెస్‌ నుంచి తాను స్ఫూర్తి పొంది ఈ మొబైల్‌ బోటిక్‌ని ప్రారంభించినట్లు వివరించారామె. మూడు నెలల క్రితం ప్రారంభించిన ఈ కాన్సెప్ట్‌కి మంచి స్పందన వస్తుండడం చాలా ఆనందంగా ఉందన్నారామె. తన కాన్సెప్ట్‌కి కొత్తగా ట్రైలర్‌ స్టోర్‌ని ఏర్పాటు చేసి, చిన్న పిల్లలకు సంబంధించిన యాక్సెసరీస్‌ని ఇలాగే మొబైల్‌ వాహనం ద్వారా అందించాలనుకుంటున్నట్లు ఆమె తెలిపారు.