'కంచె'లో సీతాదేవి పాత్రతో తెలుగు ప్రేక్షకులను మెప్పించిన కథానాయిక ప్రగ్యాజైశ్వాల్‌ ఇప్పుడు తన తర్వాతి చిత్రం కోసం గన్‌ పట్టారు. వంశీ కృష్ణ దర్శకత్వం వహిస్తున్న 'నక్షత్రం' (టు ప్రొటెక్ట్‌ అండ్‌ సర్వ్‌' సినిమాలో ప్రగ్యా ఓ ప్రత్యేక పాత్రలో కనిపించనున్నారు. ఈ చిత్రంలో ప్రగ్యా పాత్రకు సంబంధించిన తొలి ప్రచార చిత్రాన్ని హీరో రామ్‌చరణ్‌ విడుదల చేశారు. అందులో ప్రగ్యా గన్‌ పట్టుకుని ఠీవిగా కుర్చీలో కూర్చొని కనిపించారు. దీన్ని చూస్తుంటే బహుషా ఆమె చిత్రంలో పోలీసు అధికారిణి పాత్రలో కనిపిస్తున్నట్లు తెలుస్తోంది.
సందీప్‌ కిషన్‌, రెజీనా, సాయిధరమ్‌తేజ్‌ 'నక్షత్రం' చిత్రంలో ప్రధాన పాత్రల్లో నటిస్తున్నారు.

కె. శ్రీనివాసులు, ఎస్‌. వేణుగోపాల్‌, సజ్జు ఈ చిత్రానికి నిర్మాతలుగా వ్యవహరిస్తున్నారు.