సుమంత్‌ కథానాయకుడుగా రూపొందుతోన్న కొత్త చిత్రం 'నరుడా డోనరుడా'. మల్లిక్‌రామ్‌ దర్శకత్వం వహిస్తున్న ఈ చిత్రాన్ని అన్నపూర్ణ స్టూడియోస్‌ సమర్పణలో రమా రాల్స్‌, ఎస్‌. ఎస్‌. క్రియేషన్స్‌ బ్యానర్‌పై సంయుక్తంగా నిర్మిస్తున్నారు. ఈ సినిమా సెన్సార్‌ కార్యక్రమాలను పూర్తి చేసుకుంది. ఈ సందర్భంగా చిత్ర నిర్మాతలు మాట్లాడుతూ.. 'నరుడా డోనరుడా సినిమా కాన్సెప్ట్‌ తెలుగు ఆడియన్స్‌కు చాలా కొత్తగా ఉంటుంది. నాగార్జున విడుదల చేసిన ఫస్ట్‌లుక్‌, మహేశ్‌బాబు విడుదల చేసిన ట్రైలర్‌కు ప్రేక్షకుల నుంచి మంచి స్పందన వస్తోంది.

తనికెళ్ల భరణి, పల్లవి సుభాష్‌, సుమన్‌ శెట్టి తదితరులు చిత్రంలో ప్రధాన పాత్రల్లో నటించారు. సినిమా సెన్సారు కార్యక్రమాలను పూర్తి చేసుకుని యు/ఎ సర్టిఫికెట్‌ను పొందింది. ఆడియో విడుదల కార్యక్రమాన్ని ఈ నెలలో నిర్వహించాలనుకుంటున్నాం. అలాగే సినిమాను నవంబరులో విడుదల చేయడానికి సన్నాహాలు చేస్తున్నాం' అన్నారు.