ఫిలిప్పీన్స్‌కు టైఫూన్‌ హైమా ముప్పు పొంచిఉంది. దీంతో దేశ ఉత్తరతీరంలో పలు ప్రాంతాల్లోని ప్రజలను ప్రభుత్వం ఖాళీ చేయిస్తోంది. గత మూడేళ్లలో వచ్చిన టైఫూన్లలో ఇదే అత్యంత బలమైందిగా భావిస్తున్నారు. ఈ టైఫూన్‌ ఐదో కేటగిరికి చెందినదిగా వాతావరణ శాస్త్రజ్ఞలు చెబుతున్నారు. దీని కారణంగా భారీగా వరదలు, కొండచరియలు విరిగిపడడం, భూమి కోతకు గురికావడం, దాదాపు 16.5 అడుగుల ఎత్తువరకు అలలు ఎగసిపడటం వంటివి జరుగుతాయన్నారు.ముందుజాగ్రత్త చర్యల్లో భాగంగా కొన్ని విమానాలను రద్దు చేశారు. సముద్రంలో వేటపై కోస్టుగార్డ్‌ విభాగం నిషేధం విధించింది. ఈ టైఫూన్‌ ఎక్కువ ప్రాంతాలకు విస్తరించి ఉందని వాతావరణశాఖ హెచ్చరించింది.