బీసీ కమిషన్ ద్వారా కాపులను బీసీల్లో చేర్చేందుకు సిద్ధంగా ఉన్నామని ఏపీ డిప్యూటీ సీఎం చినరాజప్ప అన్నారు. ఏపీ కాపు కార్పొరేషన్ ఆధ్వర్యంలో విజయవాడలో కాపు మెగా జాబ్ మేళాను మంత్రులు చినరాజప్ప, దేవినేని ఉమ, కొల్లు రవీంద్ర ప్రారంభించారు. అన్ని రంగాల్లో కాపులను ముందుంచేలా సీఎం కృషి చేస్తున్నారని అన్నారు. 2 వందలకు పైగా కంపెనీలు జాబ్ మేళాలో పాల్గొన్నాయి. సుమారు 15 వేల ఉద్యోగాలు ఇస్తున్నట్లు మంత్రులు చెప్పారు. కార్పొరేషన్ ద్వారా రుణాలు, కాపు విద్యార్థుల ఉన్నత విద్యకు సహాయం చేస్తున్నామన్నారు. ఎంపికైన అభ్యర్థులకు శుక్రవారం సీఎం చేతుల మీదుగా అపాయింట్‌మెంట్ ఇవ్వనున్నారు.