తన రాజకీయ వారసుడెవరో డిఎంకే అధినేత కరుణానిధి ప్రకటించారు. పెద్ద కొడుకు అళగిరి(65) భయానికి ఇన్నాళ్లుగా దీనిపై మౌనం వహించిన కలైంజర్ ఎట్టకేలకూ ధైర్యం చేశారు. 93 ఏళ్ల వయసులో తన రాజకీయ వారసుడు స్టాలిన్(63) అని ఎట్టకేలకూ ప్రకటించారు. పార్టీ పటిష్టత కోసం స్టాలిన్ ఎంతగానో కష్టపడ్డారని కరుణ కితాబునిచ్చారు. అటు మధురై కేంద్రంగా దక్షిణ తమిళనాడులో గట్టి పట్టున్న కరుణ పెద్ద కుమారుడు అళగిరి.. తండ్రి ప్రకటనపై ఎంత రగడ చేస్తారోనని డిఎంకే వర్గాల్లో ఆందోళన నెలకొంది. కనీసం ఇప్పటికైనా పెద్దాయన ధైర్యం చేశారని చెబుతున్నా లోలోపల టెన్షన్ పడుతున్నాయి.