విమానం సీటులో నిద్రిస్తున్న ఓ యువతిని అసభ్యరీతిలో తాకి విచిత్రంగా ప్రవర్తించి అడ్డంగా దొరికిపోయాడు ఎన్నారై బిజినెస్‌మేన్‌. వ్యాపారవేత్తని దోషిగా తేలడంతో 20 వారాల జైలుశిక్ష విధించింది న్యాయస్థానం. అసలేం జరిగిందంటే.. ఇండియాలో పుట్టి, కతార్‌లో వుంటున్నాడు 46 ఏళ్ల బిజినెస్‌మేన్ సుమన్‌ దాస్‌. జూలైలో బ్రిటన్‌లోని మాంచెస్టర్‌ విమానాశ్రయంలో ఆయన అరెస్టయ్యాడు. 18 ఏళ్ల బాధిత యువతి పోలీసులకు ఫిర్యాదు చేయడంతో అతడ్ని అదుపులోకి తీసుకున్నారు.ఈ కేసు విచారణలో భాగంగా న్యాయస్థానంలో ఇరువర్గాల మధ్య వాదోపవాదనలు జరిగాయి. విమానంలో ఏం చేస్తున్నాడో అతడికి తెలుసని, తాను మేలుకువలో ఉన్నానో లేదా తెలుసు కోవడానికి అసభ్యంగా ప్రవర్తించాడని బాధితురాలు తెలిపింది.పరిస్థితులను తనకు అనుకూలంగా మలచుకుని ఈ దారుణానికి పాల్పడ్డాడని, అత్యంత సాన్నిహిత్యంగా ఆమెను తాకడం ద్వారా బాధితురాలకి వేదన మిగిల్చావని న్యాయమూర్తి తెలిపారు. కమ్యూనిటీ సర్వీస్‌లాంటి తేలికైన శిక్ష జోలికి వెళ్లకుండా 20 వారాల జైలుశిక్షను విధించింది.