పవర్ స్టార్ పవన్ కళ్యాణ్ నటిస్తోన్న తాజా సినిమా కాటమరాయుడు. ఈ మూవీ విడుదలకు శరవేగంగా పనులు జరుగుతున్నాయి. అయితే దీపావళి పండుగ సందర్భంగా కాటమరాయుడు సినిమా మోషన్ పోస్టర్‌ను విడుదల చేసింది చిత్ర యూనిట్. ఇందులో హీరో పవన్ కళ్యాణ్, హీరోయిన్ శ్రుతి హాసన్ కలిసి దీపాలను వెలిగిస్తూ కనిపించారు. పవన్ దీపం వెలిగిస్తూ ఉండగా శ్రుతి చేతిలో దీపంతో పవన్‌ను చూస్తూ ఉంది. మొత్తం 20 సెకండ్ల పాటు కనిపించే ఈ పోస్టర్‌ను అభిమానుల కోసం దీపావళి సందర్భంగా ప్రత్యేకంగా విడుదల చేశారు.