స్పెయిన్‌ ప్రధానిగా కన్జర్వేటివ్‌ నేత మరియానా రజోరు సోమవారం నాడు మరోసారి పదవీ బాద్యతలుస్వీకరించారు. దాదాపు పది నెలల పాటు కొనసాగిన రాజకీయ ప్రతిష్టంభనకు తెరదించుతూ సోమవారం ఉదయం రాజు నాల్గవ ఫిలిప్‌ అధ్యక్షతన జరిగిన కార్యక్రమంలో ఆయన పదవీ ప్రమాణ స్వీకారం చేశారు. స్పానిష్‌ రాజ్యాంగప్రతిపై చేయి వుంచి రజోరు చేసిన ప్రమాణ స్వీకార కార్యక్రమాన్ని జాతీయ టెలివిజన్‌ ప్రత్యక్ష ప్రసారం చేసింది. ప్రధాని బాధ్యతలు స్వీకరించిన రజోరుకి రాజు ఫిలిప్‌ అభినందనలు తెలియచేశారు. మంత్రివర్గ ఏర్పాటుకు ఆయనకు రాజు ఫిలిప్‌ మూడు రోజుల గడువిచ్చారు.ప్రభుత్వ ఏర్పాటు విషయంలో పది నెలల ప్రతిష్టంభన కొనసాగిన తరువాత ఏర్పడిన ప్రభుత్వంలో ఇప్పుడు మంత్రివర్గ నిర్మాణం రజోరుకి చిక్కుముడే అవుతుందని రాజకీయ పరిశీలకులు విశ్లేషిస్తున్నారు.