మస్కట్‌: ఫిలిప్పీన్‌కి చెందిన ఓ హోటల్‌ ఉద్యోగి, శవమై తేలింది. షట్టి అల్‌ కర్రమ్‌ ప్రాంతంలో ఆమె మృతదేహాన్ని గుర్తించారు. రాయల్‌ ఒమన్‌ పోలీసు అధికారి ఒకరు ఈ విషయాన్ని ధృవీకరిస్తూ, విచారణ కొనసాగుతుందని వెల్లడించారు. మస్కట్‌లోని ఓ హోటల్‌లో ఆమె పనిచేస్తోంది. సహచరులతో కలిసి బయటకు నడుచుకుంటూ వెళ్ళిన సమయంలో ఆమె ఆచూకీ గల్లంతయినట్లు తెలియవస్తోంది. దాంతో ఈ కేసులో ఆమెతోపాటు బయటకు వెళ్ళిన వ్యక్తులపై అనుమానాలు వ్యక్తమవుతున్నాయి. ఆమె దోపిడీకి గురయ్యిందనీ, అనంతరం ఆమెను హత్య చేశారని పోలీసులు అనుమానిస్తున్నారు. అయితే ఆమె పనిచేస్తున్న హోటల్‌ యాజమాన్యం ఇంతవరకు ఎలాంటి స్పందనా వెల్లడించలేదు.