మనామా: సౌదీ భద్రతా సిబ్బంది తనిఖీల్లో, మహిళ అక్రమ రవాణా కేసు వెలుగు చూసింది. బహ్రెయిన్‌ నుంచి ఓ మహిళను దేశంలోకి తీసుకొస్తున్న సమయంలో కింగ్‌ ఫహాద్‌ కాజ్‌వే వద్ద చెకింగ్‌ సందర్భంగా ఆమెను కస్టమ్స్‌ సిబ్బంది గుర్తించి, ఆమెను అక్రమంగా దేశంలోకి తీసుకొస్తున్న వ్యక్తిని అదుపులో తీసుకున్నారు. తాను ప్రయాణిస్తున్న వాహనంలో సీట్ల వెనుకాల ఆ మహిళను ఉంచి ఓ వ్యక్తి బహ్రెయిన్‌ నుంచి సౌదీలోకి ప్రవేశించేందుకు ప్రయత్నించాడు. దీన్ని గుర్తించిన కస్టమ్స్‌, అలాగే భద్రతా సిబ్బంది ఇరువురినీ అదుపులోకి తీసుకుని, విచారించారు. ఈ సందర్భంగా ఆ మహిళ వద్ద సరైన పత్రాలు లేవని గుర్తించారు. అదుపులోకి తీసుకున్నవారిపై చట్టపరమైన చర్యలుంటాయని అధికారులు చెప్పారు.