'ఈ బాషా ఒక్కసారి చెబితే వందసార్లు చెప్పినట్లు' అంటూ 1995లో సూపర్‌స్టార్‌ రజనీకాంత్‌ కథానాయకుడిగా విడుదలైన 'బాషా' సినిమా ఇప్పటికీ ఎవర్‌గ్రీనే. బాధ్యత గల అన్నయ్యగా, మంచి కుమారుడిగా, స్నేహితుడిగా రజనీ నటించిన ఈ సినిమా అభిమానుల హృదయాలను దోచుకోవడమే కాదు.. బాక్సాఫీసు వద్ద కాసుల వర్షం కురిపించింది. అయితే ఈ చిత్రం విడుదలై 21 ఏళ్లు పూర్తవుతుండగా.. ఈ ఏడాది డిసెంబరు 12న రజనీ పుట్టినరోజు కానుకగా 'బాషా' డిజిటల్‌ వర్షన్‌ను విడుదల చేస్తున్నట్లు కోలీవుడ్‌ వర్గాల సమాచారం. తలైవా అభిమానులు కూడా సోషల్‌మీడియా ద్వారా ఈ విషయాన్ని పంచుకుంటూ..

ఆనందం వ్యక్తం చేస్తున్నారు.
సురేశ్‌ కృష్ణన్‌ దర్శకత్వం వహించిన ఈ చిత్రానికి దేవా సంగీతం సమకూర్చారు. ఈ చిత్రంలో రజనీకాంత్‌ సరసన నగ్మా నటించారు. రఘువరన్‌ ప్రతినాయకుడి పాత్రను పోషించారు.