రాస్ అల్ ఖైమా: ' మేడి పండు చూడ ..మేలిమై ఉండు...పొట్ట విప్పి చూడ పురుగులు ఉండు ' అన్న చందాన ...ఓ స్మగ్లర్ తన బొజ్జనే అక్రమ రవాణాకు నిలయంగా ఏర్పర్చుకొన్నాడు...కానీ ఆ నిందితుడి ప్రణాళిక బెడిసికొట్టింది. మాదకద్రవ్యాలను అక్రమ రవాణా చేస్తున్నట్లు అనుమానించిన పోలీసులు అదుపులోనికి తీసుకోగా అతని కడుపు లోపల 103 హెరాయిన్ గుళికలు ఉన్నట్లు కనుగొన్నారు. అతని పొట్టలో 98 హెరాయిన్ గుళికలు ఉంటె, 1 కిలో బరువు తూగే  హెరాయిన్ పొడి  ఆ వ్యక్తి గదిలో లభ్యమయ్యంది. దీనితో పాకిస్తానీయుడైన ఆ వ్యక్తి  తన కడుపు లోపల దాగి 103 హెరాయిన్ గుళికలతో సహా రాస్ అల్ ఖైమాహ్ పోలీసులు అరెస్టు చేశారు. మొత్తంగా103 హెరాయిన్ గుళికలు 1.36 కిలో  బరువు ఉన్న ఆ హెరాయిన్  విలువ  500,000 డి హెచ్ వరకు ఉంటుందని  రాస్ అల్ ఖైమాహ్ పోలీస్ యాంటీ నార్కోటిక్స్ శాఖ డైరెక్టర్ జనరల్  కల్నల్ అద్నాన్ ఆలీ అల్ జాబి చెప్పారు.