దర్శకుడు ఎ.ఎల్‌.విజయ్‌ ప్రేక్షకుల హృదయాలనే కాదు నిర్మాతల హృదయాలనూ దోచుకున్నారు. ఇలా అనడానికి కారణం లేకపోలేదు.. ఎ.ఎల్‌.విజయ్‌కు నిర్మాత ఐసరి కె గణేశ్‌, నటుడు, దర్శకుడు ప్రభుదేవా కలిసి ఆడీ కారును బహుమతిగా ఇచ్చారట. 'దేవి' చిత్ర బృందం సోషల్‌మీడియా ద్వారా ఈ విషయాన్ని తెలిపింది. 'కష్టం ఫలితాన్ని ఇస్తుంది! ప్రభుదేవా, కె.గణేశ్‌ కలిసి కారును బహూకరించిన 'దేవి' దర్శకుడు విజయ్‌కి శుభాకాంక్షలు' అని ట్వీట్‌ చేసింది.ఎ.ఎల్‌.విజయ్‌ దర్శకత్వంలో తమన్నా, ప్రభుదేవా, సోనూసూద్‌ ప్రధాన పాత్రలో నటించిన చిత్రం 'దేవి'. ఈ చిత్రాన్ని తెలుగులో 'అభినేత్రి', తమిళంలో 
'దేవి', హిందీలో 'టుటక్‌ టుటక్‌ టుటియా' టైటిల్స్‌తో విడుదల చేశారు.