'శ్రీమంతుడు' సినిమాతో సూపర్ స్టార్ మహేష్ బాబుకు బ్లాక్ బాస్టర్ హిట్ ఇచ్చాడు దర్శకుడు కొరటాల శివ. వీరిద్దరి కాంబినేషన్ లో మరో సినిమా ఎప్పుడు తెరకెక్కుతుందా అని అభిమానులు వెయిట్ చేస్తున్నారు. ఇక వీరిద్దరి కాంబినేషన్ లో మరో చిత్రం తెరకెక్కనుందని వార్తలు వినిపించాయి. తాజాగా ఈ మూవీ లాంచ్ కార్యక్రమాన్ని రేపు ఉదయం హైద్రాబాద్‌లోని రామానాయుడు స్టూడియో టెంపుల్‌లో వైభవంగా నిర్వహించడానికి ఏర్పాట్లు చేస్తున్నారు. ఉదయం 10.26 గంటలకు ప్రారంభోత్సవ ముహూర్తాన్ని ఖరారు చేశారు. టీమ్‌తో పాటు పలువురు ప్రముఖులు కూడా ఈ పారంభోత్సవానికి విచ్చేయనున్నారు. డీవీవీ దానయ్య ఈ చిత్రాన్ని నిర్మించనున్నాడు.