దోహా: కటారా ట్రెడిషనల్‌ ధోవ్‌ ఫెస్టివల్‌ సరికొత్తగా సిద్ధమవుతోంది. నవంబర్‌ 15 నుంచి 19 వరకు కటారా బీచ్‌లో ఈ ఫెస్టివల్‌ జరగనుంది. 6వ ధోవ్‌ ఫెస్టివల్‌ని కొత్త కాంపిటీషన్స్‌తో, అదనంగా పార్టిసిపెంట్స్‌తో నిర్వహఙంచనున్నట్లు కటారా జనరల్‌ మేనేజర్‌ డాక్టర్‌ ఖాలిద్‌ బిన్‌ ఇహ్రీమ్‌ అల్‌ సులైటి చెప్పారు. ఎమిర్‌ షేక్‌ తమిమ్‌ బిన్‌ హమాద్‌ అల్‌ థని సూచనల మేరకు ఈ ఫెస్టివల్‌ని నిర్వహించనున్నారు. డైవింగ్‌, స్పిన్నింగ్‌, రోవింగ్‌, హడాక్‌, అల్‌ లుఫా కాంపిటీషన్స్‌తోపాటుగా మరో రెండు ట్రెడిషనల్‌ కాంపిటీషన్లు ఈ ఏడాది ప్రధాన ఆకర్షణ కానున్నాయి. బోట్‌ లాంఛింగ్‌ మరియు అల్‌ నహ్మా దేశానికి చెందిన మెరిటైమ్‌ హెరిటేజ్‌ని ప్రతిబింభిస్తాయి. జిసిసి జాతీయులందరికీ ఈ పోటీల్లో పాల్గొనేందుకు రిజిస్ట్రేషన్‌ అవకాశం ఉంది. కటారా బీచ్‌ మేనేజ్‌మెంట్‌ బిల్డింగ్‌లో ఉదయం 9 గంటల నుంచి మధ్యాహ్నం 3 గంటల వరకు దరఖాస్తులు స్వీకరించబడ్తాయి.