ఐదు నెలలపాటు జరిగే ఇండియన్‌ ఫెస్టివల్‌, ఈ నెల నుంచే మస్కట్‌, సోహార్‌, సుల్‌ మరియు అల్‌ సలాహ్‌లలో ప్రారంభం కానుంది. అల్‌ బుస్తాన్‌ ప్యాలెస్‌లో నవంబర్‌ 15న రిట్స్‌ కార్ల్‌టన్‌ హోటల్‌లో 'ఫెస్టివల్‌ ఆఫ్‌ ఇండియా ఇన్‌ ఒమన్‌' పేరుతో ఈ ఈవెంట్‌ ప్రారంభోత్సవం జరగనుంది. ఇండియన్‌ ఎంబసీ, ఒమన్‌కి చెందిన హెరిటేజ్‌ అండ్‌ కల్చర్‌ మినిస్ట్రీ ఈ ఈవెంట్‌ని సంయుక్తంగా నిర్వహిస్తున్నాయి. సినిమాల ప్రదర్శన, ఫ్యాషన్‌ షోస్‌, మ్యూజికల్‌ నైట్‌, ఫుడ్‌ ఫెస్టివల్స్‌, ఇండియన్‌ బాలెట్‌ మరియు ఫక్షక్‌ డాన్సులు, ఇండియన్‌ ఇన్‌స్ట్రుమెంటల్‌ మ్యూజిక్‌, మరియు ఇండియన్‌ కెలిగ్రఫీ ఎగ్జిబిషన్‌ వంటివి ఈ ఫెస్టివల్‌లో ప్రధాన ఆకర్షణలు కానున్నాయి. ఒమన్‌లో ఇండియా రాయబారి మని పాండే మాట్లాడుతూ, భారతీయ సంస్కృతీ సంప్రదాయాల గురించి మరింత గొప్పగా చాటిచెప్పేందుకే ఈ వేదిక ఎంతో ఉపయోగపడుతుందని అన్నారు. ఇరుదేశాల మధ్య సోషియో, ఎకనమిక్‌ రిలేషన్స్‌ బలపడేలా ఈ ఈవెంట్‌ని నిర్వహిస్తున్నట్లు ఆయన తెలిపారు. భారతీయ సినీ రూపకర్తలకు ఒమన్‌లోని అద్భుతమైన లొకేషన్లు ఉపయోగపడ్తాయని ఆయన వివరించారు. ఏడాది కాలంలో ఇండియన్‌ ఎంబసీ, 95,000 వీసాలను ఒమనియన్లకు పర్యాటక రంగం పరంగా వీసాలు జారీ చేసినటుఉ్ల చెప్పారాయన.