ఒమన్‌లోని కొన్ని మనీ ఎక్స్‌ఛేంజెస్‌, 1 ఒమన్‌ రియాల్‌ని 200 రూపాయలకి, 201 రూపాయలకీ విక్రయిస్తున్నాయి. భారత ప్రభుత్వం రద్దు చేసిన 500, 1000 రూపాయల్ని మార్చుకునేందుకు ఇది తాము ప్రకటించిన బంపర్‌ ఆఫర్‌ అని ఆ సంస్థల ప్రతినిథులు అంటున్నారు. ప్రస్తుత ఎక్స్‌ఛేంజ్‌ రేట్‌ ప్రకారం 1 ఒమన్‌ రియాల్‌ ధర 176.32 గా ఉంది. డిసెంబర్‌ 30లోపు భారతదేశానికి వెళ్ళాలనుకునేవారికి ఇది స్పెషల్‌ రేట్‌ అని మనీ ఎక్స్‌ఛేంజ్‌ ప్రతినిథి ఒకరు తెలిపారు. రిజర్వ్‌ బ్యాంక్‌ ఆఫ్‌ ఇండియా గైడ్‌లైన్స్‌ ప్రకారం భారతీయ వలసదారులు 25,000 రూపాయల క్యాష్‌ని తమతో తీసుకెళ్ళవచ్చు. కాబట్టి డిసెంబర్‌ 30 లోపు భారతదేశానికి వెళ్ళాలనకునేవారు ఈ ఆఫర్‌ని వినియోగించుకోవచ్చని తెలిపారు. ఈ రెండు మనీ ఎక్స్‌ఛేంజ్‌ సంస్థలూ తమ వినియోగదారులకు ఎస్‌ఎంఎస్‌ల రూపంలో ఈ ఆఫర్‌ వివరాల్ని తెలియజేస్తున్నాయి.