దేశంలోని ఆరు రాష్ట్రాలు, ఒక కేంద్రపాలిత ప్రాంతంలో.. 9 అసెంబ్లీ, నాలుగు పార్లమెంటు స్థానాలకు ఉప ఎన్నికలు ప్రశాంతంగా జరుగుతున్నాయి.  ఉదయం నుంచే పోలింగ్ సెంటర్ల దగ్గరకు చేరుకున్న ఓటర్లు ఓటు హక్కు వినియోగించుకుంటున్నారు. అయితే బైపోల్స్ పై పెద్ద నోట్లు రద్దు ప్రభావం తీవ్రంగా ఉంది. చిల్లర సమస్యలతో ఓటర్లు పోలింగ్ కేంద్రాలకు చేరుకోలేకపోతున్నారు. అసోం, అరుణాచల్ ప్రదేశ్, మధ్య ప్రదేశ్, తమిళనాడు,  పశ్చిమ బెంగాల్, త్రిపురతోపాటూ పుదుచ్చేరిలో కూడా ఒక అసెంబ్లీ స్థానానికి ఉప ఎన్నికలు జరుగుతున్నాయి. తమిళనాడులో మూడు అసెంబ్లీ  స్థానాలకు జరుగుతున్న బైపోల్స్ లో అన్నాడీఎంకే, డీఎంకే పోటీపడుతున్నాయి. ఈ ఎన్నికల ఫలితాలను 22న లెక్కిస్తారు. పెద్ద నోట్ల రద్దుతో ఓటింగ్  శాతం తక్కువగా నమోదయ్యే అవకాశాలు కనిపిస్తున్నాయి..