కంటి కింద నల్లని వలయాలను నివారించాలంటే బీట్‌రూట్ రసం అద్భుతంగా పనిచేస్తుంది. బీట్‌రూట్ రసంలో ఉండే లక్షణాలు కళ్ల ఉబ్బును కూడా నివారిస్తుంది. రెండు చెంచాల బీట్‌రూట్ రసంలో ఒక చెంచా పెరుగు మిక్స్ చేసి ముఖానికి పట్టించి ఇరవై నిమిషాల తర్వాత ముఖాన్ని చల్లటి నీళ్లతో శుభ్రం చేసుకుంటే మొటిమలతో పాటు వాటి తాలూకు మచ్చలను కూడా పూర్తిగా నివారిస్తుంది. * బీట్‌రూట్ జ్యూస్ ముఖానికి ఐప్లె చేయడం వల్ల చర్మ ఛాయ మెరుగుపడుతుంది. బీట్‌రూట్ పేస్ట్‌లో కొద్దిగా పాలు మిక్స్ చేసి ముఖానికి పట్టించి అరగంట తర్వాత శుభ్రం చేసుకుంటే చర్మ రంగులో మార్పు కనిపిస్తుంది. * ఒక టీస్పూన్ బీట్‌రూట్ జ్యూస్‌లో ఒక చెంచా నిమ్మరసం మిక్స్ చేసిన మిశ్రమాన్ని ముఖానికి పట్టించి 15 నిమిషాల తర్వాత చల్లటి నీళ్లతో శుభ్రం చేసుకోవాలి. రాత్రి పడుకొనే ముందు చేస్తే మంచి ఫలితం ఉంటుంది. * బీట్‌రూట్ రసం, చక్కెర కలిపిన మిశ్రమాన్ని ముఖానికి పట్టించి స్క్రబ్ చేయడం వల్ల ముఖంలో ఉండే నల్లమచ్చలను నివారించవచ్చు.