షీషా (హూకా) సెర్వ్‌ చేస్తున్న ఓ కాఫీ షాప్‌ని అధికారిక వర్గాలు మూసివేశాయి. నార్తరన్‌ గవర్నరేట్‌ పరిధిలో ఈ కాఫీ షాప్‌ ఉంది. ఇండస్ట్రీ కామర్స్‌ మరియు టూరిజం మినిస్ట్రీ, అధికారిక ఇన్‌స్టాగ్రామ్‌ పేజ్‌లో ఈ వివరాలు వెల్లడించింది. హమలా ప్రాంతంలోని ఈ కాఫీ షాప్‌ను మూసివేయడంతోపాటు, ప్రాసిక్యూషన్‌కి రిఫర్‌ చేయబడినట్లు అధికారులు తెలిపారు. తమకు అందిన కొన్ని ఫిర్యాదుల మేరకు, అధికారులు ఈ కాఫీ షాప్‌లో తనిఖీలు నిర్వహించి, షీషా సెర్వింగ్‌ జరుగుతున్నట్లుగా గుర్తించారు. నిబంధనలు ఉల్లంఘించినవారికి కఠిన చర్యలు తప్పవని అధికారులు హెచ్చరించారు.