రియాద్‌: సౌదీ అరేబియా, టర్కీ మధ్య 8 ఒప్పందాలు ఇస్తాంబుల్‌లో జరిగాయి. కామర్స్‌ అండ్‌ ఇన్వెస్టిమెంట్స్‌ మినిస్టర్‌ మాజిద్‌ అల్‌ కస్సాబి, అలాగే టర్కిష్‌ ఎకానమీ మినిస్టర్‌ నిహాద్‌ జబ్కా మధ్య ఈ ఒప్పందాలు చోటుచేసుకున్నాయి. ఇరు దేశాల మధ్యా వాణిజ్యాన్ని మరింత వృధ్ధి చేసేందుకు ఈ ఒప్పందాలు ఉపయోగపడనున్నాయి. సౌదీ కంపెనీలు ముఖ్యంగా ఇండస్ట్రియల్‌ సెక్టార్‌లో పెట్టుబడులు పెడుతున్నాయి. టర్కీకి చెందిన ప్రైవేటు మరి, పబ్లిక్‌ సెక్టార్స్‌తో కలిసి టర్కీలో ఈ ప్రాజెక్టుల్ని చేపడుతున్నాయి. అగ్రికల్చర్‌, ఫైనాన్స్‌, టూరిజం మరియు మ్యూనికేషన్‌ సెక్టార్స్‌లో కూడా కలిసి ఇంకా ఉధృతంగా పనిచేయాలని ఇరుదేశాలూ నిర్ణయించాయి. ఇంకో వైపున టర్కీ టెక్నాలజీ విభాగంలో ముందుంది. అనుభవజ్ఞులైన కాంట్రాక్టర్లు టర్కీలో ఎక్కువ. అలాగే టూరిజం రంగంలో టర్కీ అత్యద్భుతంగా పనిచేస్తోంది. ఈ నేపథ్యంలో టర్కీ - సౌదీ అరేబియా కలిసి పనిచేయడం ద్వారా ఆయా రంగాల్లో సమైక్యంగా అభివృద్ధి సాధించడానికి అవకాశాలున్నాయని ఇరు దేశాల ప్రతినిథులు ఒప్పందాల సందర్భంగా అభిప్రాయపడ్డారు.