ఇరాకీ దళాలు మోసూల్లోకి చొచ్చుకెళ్తుంటే..  వారిని భయపెట్టేందుకు ఐసిస్ తాజాగా కొన్ని వీడియోలు విడుదల చేసింది. ఐసిస్  ఉగ్రవాదులు వాహనాలతో ఆత్మాహుతి  దాడులు జరిపినపుడు డ్రోన్ కెమెరాతో చిత్రీకరించిన ఫుటేజిని ఇంటర్నెట్లో పెట్టింది. తాము ప్లాన్  చేసిన దాడులను ఎలా అమలు చేసింది.. ఎవరెవరు పాల్గొన్నదీ పేర్లతో సహా ఆ వీడియోల్లో చూపించింది ఐసిస్. దాడుల్లో సైనిక  వాహనాలు ఎలా ధ్వంసమైంది చూపించి భయపెట్టే ప్రయత్నం చేసింది. మొత్తం 26 నిమిషాల HD వీడియో విడుదల చేసిన ఐసిస్..   తాము తయారు చేసన కారుబాంబులు ఎంత విధ్వంసం సృష్టిస్తాయో చూపించింది. పేలుళ్లు ఎలా జరుపుతామో చూపించింది. ఈ  సైడ్ దాడులు నిజంగా ఐసిస్ జరిపినవేనా అనేది మాత్రం ఇంకా ధ్రువీకరించలేకపోతున్నారు. కానీ మోసూల్ లో యుద్ధం రెండో నెల  కూడా కొనసాగుతుండడంతో.. ఐసిస్ వీటిని ఉపయోగిస్తున్నట్టు తెలుస్తోంది..