సినీ, బుల్లితెర నటి సపర్ణ అనుమానాస్పద మృతి వ్యవహారం ఇంకా కొలిక్కిరాకమునుపే కోలీవుడ్‌లో మరో దారుణం జరిగింది. సహాయ నటి జయశీలి​ ఆదివారం రాత్రి అనుమాన్పాద స్థితిలో మరణించింది. స్థానిక సాలిగ్రామంలోని దశరథపురంలో ఓ అపార్ట్‌మెంట్‌లో నివసిస్తున్న ఆమె నిర్జీవంగా ఉన్న స్థితిలో కనిపించింది. ఇరుగుపొరుగు సమాచారంతో విరుగంబాక్కం పోలీసులు అక్కడికి చేరుకుని జయశీలి​ మృతదేహాన్ని స్వాధీనం చేసుకున్నారు. ఇంటిలో వస్తువులు చెల్లాచెదురుగా ఉండడంతో దోపిడీదొంగలు నగలు, నగదు కోసం ఈ హత్య చేసుంటారా అన్న కోణంలో పోలీసులు దర్యాప్తు జరుపుతున్నారు.