పెద్ద అంబర్ పేట్ ఔటర్ రింగ్ రోడ్డుపై ఘోర ప్రమాదం చోటు చేసుకుంది. ప్రమాదవశాత్తూ అదుపుతప్పిన ఆల్టోకారు డివైడర్‌ను ఢీకొట్టింది. దీంతో ఒక్కసారిగా కారులో మంటలు చెలరేగడంతో కారులో ఉన్న నలుగురు సజీవదహనం అయ్యారు. ప్రమాదానికి గురైన కారు నెంబర్ టీఎస్ 03 ఈఎల్ 6551గా గుర్తించారు. మృతులంతా వరంగల్‌ జిల్లా పరకాలకు చెందినవారిగా సమాచారం. సంధ్యల రాజేశ్వరి పేరు మీద ఈ కారు రిజిస్ట్రేషన్‌ అయ్యింది. శంషాబాద్‌ నుంచి ఘట్‌ కేసర్‌ వైపు వెళ్తుండగా ప్రమాదం జరిగింది. మృతుల్లో ఓ చిన్నారి కూడా ఉన్నట్టు సమాచారం.