తమిళనాడు ముఖ్యమంత్రి జయలలిత ఆరోగ్య పరిస్థితి అత్యంత విషమంగా ఉన్నట్లు అపోలో వైద్యులు ప్రకటించారు. నిన్న సాయంత్రం గుండెపోటుకు గురైన ఆమెకు సీసీయూలో అత్యవసర చికిత్స అందిస్తున్న సంగతి తెలిసిందే. ఆమె ఆరోగ్య పరిస్థితిపై అపోలో యాజమాన్యం ఈరోజు మధ్యాహ్నం హెల్త్‌ బులెటిన్‌ విడుదల చేసింది. నిపుణులైన వైద్యుల పర్యవేక్షణలో అత్యాధునిక పరికరాల సాయంతో జయలలితకు వైద్యసేవలు అందిస్తున్నట్లు అపోలో ఆస్పత్రి పేర్కొంది. కొద్దిసేపటి క్రితమే దిల్లీ నుంచి వచ్చిన ఎయిమ్స్‌ వైద్యుల బృందం జయలలితను పరీక్షించిన తర్వాత ఈ హెల్త్‌ బులెటిన్‌ విడుదల చేయడం గమనార్హం.